بنك معلومات وتجارب في مقابلات كيبيك للحصول علي ال CSQ

[Nassarlink]

هل انت في انتظار موعد الانترفيو الخاص بكيبيك

ستجد هنا تجارب السابقين ممن مروا بها بتلك الدقائق او قل ان شئت اللحظات

البدايه

دقات قلب متسارعه والقلق من النتيجه

ولكن الثقه في الله تعالي موجوده

والنهايه

النجاح ان شاء الله

والبدايه بتجربتي الشخصيه

ولكم مني كل تحيه

[Nassarlink]

انتم سعداء انكم اتقبلتم
ردينا بسرعه طبعا طبعا سعداء جدا
ودي كانت نهاية المقابله .
البدايه كانت بوم 1/3/2007 يوم كتابة الابلكيشن
هل ياتري هنقدر نجتاز المقابله

ومرت الايام لحد يوم ما رن الموبيل الو مسيو محمد مبروك الحمد لله جالك ميعاد الانتر فيو فى مصر الساعه 2 الظهر يوم 26/11
ساعتها الكلام وقف فى زورى
ومرت 3 شهور قلق وخوف وحفظ وسهر وإعداد وارتباك
لحد يوم 25/ 11 مساء نمت الساعه 11 نوم عميق كان مفيش عندي اي حاجه الصبح خالص
صليت الفجر جلست اقراء قرآن شويه وديت العيال المدرسه
والساعه دلوقتي 8.45
التاكسي الي هناخده وصل طبعا مكنتش اقدر اسوق العربيه بتاعتي بنفسي لان معنديش اعصاب اسوق وكمان العربيه بتاعتي معندهاش اعصاب تمشي لحد قاهرة المعز .
ركبنا التاكسي وانا بفكر هو ده اليوم الي كنت عامل حسابه
انطلقنا بالسياره تاكل الاسفلت اكلا
كنت كل مره اروح فيها القاهره بتمني الطريق يخلص بسرعه
لكن المره دي الي كنت اتمني ان الطريق مخلصش خالص خاص
لكن لكل بدايه لابد من نهايه
وابتدت المدام تسمعلي الي انا حافظه
وانا زي الصاروخ بسمع رهوان – اللهم لاحسد-
وبعد ربع ساعه
قلتلها خلاص انتهي وقت المراجعه احنا دلوقتي وقت الدعاء
وصلنا السفاره الساعه 11 بس احنا لسه بدري
اقترح علي السائق ان نصلي الظهر في مسجد الباشا بالمنيل وفعلا صلينا هناك
وشربنا فنجانين نسكافه - كنا واخدين معانا الميه السخنه والسكر برطمان النسكافيه متستغربوش اصل انا من عيله محافظه.
وصلنا السفاره الساعه واحده بالضبط
احنا معادنا الساعه اثنين يعني لسه ساعه قلت في سري نقضيها استغفار علشان ربنا يجعللنا من كل ضيق مخرجا ومن كل هم فرجا.
وبعد ما سلمت الموبايل – الشنكوتي – بتاعي - معلش اقصد بتاع مراتي لان مكنش عندي موبيل لحد وقت المقابله وده مبدا
سالت الامن هو مين الي سوف يقابلني
قال مدام غس... وسكت
بس انت عاوز تعرف ليه
قلتله علشان لما اسلم عليها اقول لها بونجور مدام فلانه
قالي المفروض انك متعرفش مين الي ها يقابلك
قلتله شكرا انا متاسف
بس كده انا عرفت ان حبيبه القلب الي انا مستنيها من شهر
سالته كمان سؤال احنا معادنا الساعه اثنين ممكن تنزل لينا بدري شويه
قال ايوه انا هعرفها انكم موجودين
الصاله كانت فاضيه انا والمدام بس وكل الكراسي فاضيه
جلست في الكرسي الي علي شمال الباب الي هتخرج منه( ست الكل ) علي فكره ده مش هزار ده فعلا انها ست محترمه جدا جدا

[Nassarlink]

المهم المدام علي اليمين وانا حاطط رجل علي رجل
انتظر الساعه تيجي اثنين
وفجاءه الساعه الواحده والثلث
لقيت واحده علي وجهها الجديه والصرامه
هتفتح الباب الزجاجي الي امامي
وانا اكنّي مش شايفها
فتحت الباب وقالت مسيو ال..
وانا جالس حاطط رجل علي رجل اكن انا مستني واحد تاني
Oui oui madam c’est moi
Bon jour M
Bonjour Madam
ودخلنا من الباب الزجاجي المفروض ان في جهاز بتدخل منه الرقم السري بتاعها وطبعا انا عارف الجهاز لانه موصوفلي قبل كده لكن بتلقائيه لقي نفسي واقف امام الجهاز اكن انا الي هدخل الرقم السري
استاذنت بذوق قلتلها آسف
طبعا الحوار كله بالفرنساوي لانها مبتعرفش عربي بتاتا
وصلنا الي المصعد واحنا قدام المصعد قالت انت منين
قلتلها في ادب من المنصوره
قالت لها المدام بتاعتي مرحبا بك في مصر – نورت مصر-
ابتسمت في خجل واكملت سؤال تاني
انت هنا من امتي
قلتلها من ساعتين وبعدين افتكرت كلمه كنت سمعتها في قناة TV5 في فيلم كيبيكواه A Midi
بس بتتنطق (ا ميدزي ) لانهم بيضيفولها حرف الزد بعد حرف الدي في العاده – طبعا فزلكه مني –
بيني وبينكم انا خفت احسن تفتكرني مقطع السمكه وديلها او حتي تفتكرني بسخر منها
لانها نظرت الي باستغراب شويه لكن معلقتش
المهم ده كل الي حصل في المصعد
خرجت من المصعد في خطي سريعه الي الغرفه وانا اجري وراها
خايف احسن افقد اثرها لان المدام عندي كانت ماشيه علي مهلها اكننا بنتفسح علي شط النيل
قلت في بالي لو مشيت مع مراتي وفقدنا اثرها هنتوه احنا الاثنين في السفاره ويمكن محدش يعرفلنا- طريق جره-
لكن لو تاهت مراتي ممكن ابقي ادور عليها في السفاره بعد المقابله المهم واحد فينا يحضر معاها المقابله
المهم دخلنا الغرفه
وجلست انا وزوجتي امام السيده الفاضله
قالت في ادب واحترام
انتم هنا علشان نراجع المستندات الي قدمتوها في طلبكم
ونعطيكم رد علي الطلب بعد تقييم مدي اجادتكم للغة الفرنسيه وجديتكم في الطلب المقدم منكم
هنتاكد اولا من شخصياتكم
لو سمحت الباسبور
ثم سالت علي الاسم واسم العائله
لقت الاسم طويل شويه راحت قايله – اوف – اول ما قالت كده انا قلبي وقع في رجلي ومراتي قالت دبتقول اوف علي الاسم امال لما نتكلم شويه هتقول ايه ربا يستر
وعلي العكس ابتسمت لما قلتلها هي دي اسماءنا بالعربي صعبه شويه
اتاكدت من اسماءنا واسماء الطفلتين
وبعدين سالت علي المؤهل وبيان الدرجات لي وللمدام
شافتهم انا كنت خايف احسن تقول لي اعاوزه الاصل الي انت ارسلت صورته لاني فقدت اصل المؤهل وكمان اصل شهاده الخبره الي انا كنت باعتها لكن طبعا طلعت غيرهم جديد
قالت لي انت درسم مواد كتير جدا عن الاداره
قلتلها طبعا بس انا تخصصي محاسبه
علشان متحرمنيش من الخمس درجات بتوع المحاسبه
قالت انا عارفه بس انا بشرحلك انك معاك ميزتين
قالت طب فين شهادة الخبره
بصت فيها نظره واحده بدون تفحص ولا حاجه لمجرد انها تتاكد من وجود ختم وتوقيع
وركنها علي جنب
رغم انها كانت بتعطيني الاصول الي بتاخدها مني
وقالت لي اشرح لي انت بتعمل ايه في الشغل
وصفتلها حاجات اساسيه من طبيعة الشغل
قالت بس دي مش مهام المحاسب في كيبيك
دي مهام مساعد محاسب
قلت في بالي دي ناويه علي الشر ولا ايه
لا انا باقوم باعمال محاسبيه اخري
قالت يعني انت بتعمل حساب الارباح والخسائر للشركة كلها
قلت لا لكن انا بساعد فيها
قالت يعني انت مساعد محاسب مش محاسب
قلت ربنا يستر ايه ياستي الي بتقوليه ده انا بشتغل محاسب حسب شهادة الخبره الي معايا
بس انا عاوز اقول ان الحوار ده كان بيدور بصوره هادئه جدا بدون اي استفزاز ولا ضغط عصبي
منها لدرجة اني كنت انا بقاطعها وهي بتتكلم فتسكت وتسمعني بمنتهي الادب
راحت فاتحه كتاب من وراها بصت في وكتبت درجة علي جنب انا مشفتهاش بس متوقع انها الخمس درجات بنتوع المحاسب
علي فكره الجواب الي وصل لكل واحد بفتح الملف مكتوب فيه اسم موقع علي النت فيه لسته باسماء الوظائف ودرجة كل وظيفه للمقدم الرئيسي وللزوجه حسب تقرير 10/2006 وان السته دي قابله للتغيير كل عام حسب الظروف الحاليه لكيبيك المهم ممكن الاسترشاد بيها
نرجع لموضوعنا
سالت بعدها المدام انت بتشتغلي قالت ايوه
فين شهادة الخبره
اتفضلي
اوصفي شغلك بالضبط
ردة المدام بكل ثقه وقاله المهام بتاعتها
سالتني بعدها عندك كام سنه
قلتلها دلوقتي عندي 36 سنه وخمس شهور
اجابت بكل ادب لانها حست اني خايف افقد درجات السن وقالت لكن انت كان سنك وقت تقديم الطلب 34 سنه و8 شهور
علشان تطمني اني هاخد الدرجه كامله
كل ده وهي بتكلمني وتبتسم للمدام او تكلم المدام وتبتسم

[Nassarlink]

سالت بعدها المدام خطتك في العمل ايه في كيبيك
السؤال ده كنت المفروض ان انا الي اجاوب عليه وكنت حافظه عن ظهر قلب

لكن مراتي كانت من كثر ما هي سمعت الاجابه لي اجابت في ثبات بالنيابه عني
لكن كانت المفاجاه قالت لنا مدام جستينا دي مش اجابة السوال الي انا سالته
وكان في عينيها الاستغراب ازاي احنا مفهمناش السؤال
و راحت سالت السؤال تاني بصيغه ثانيه
احنا كنا فهمنا انها تقصد هنعمل ايه عموما في كيبيك
لكن هي كانت تقصد ايه هي الخطوات العمليه للعمل في كيبيك
اجابت زوجتي بثبات – مش بطوله وقوة اعصاب ولا حاجه ده انا زوجتي لمي بتكلمن انا بتكون خايفه مني لكن لان جو المقابله كان هادئ جدا جدا –
سالتني نفس السؤال فاجبتها انن اعرف انني لا استطيع ان اعمل بوظيفة محاسب بدون احصل علي ترخيص مزاولة المهنه واقوم بعمل تقييم للمؤهل بتاعي وده هياخد مني وقت
قالت طب انت عملت حاجه عمليه
قلتلها ايوه – ربنا يخليه الي نصحني بالنصيحه طبعا انتم عارفينه اخونا الحبيب ابن سينا الي ليه الفضل علي في النقطه دي قالي راسل الاوردر بتاعك وهم هيبعتولك علي طول وفعلا حصل وطبعت الايميل الي هم ارسلوه لي
قالت طب معاك الميل ده
قلتلها ايوه معايا
مدت ايدها وقرات فيه شويه وتاكدت من الاسم بتاعي علي مقدمة الايميل
قالت طب انت اتعلمت الفرنساوي فين
قلتلها في المركز الثقافي في المنصوره
قالت معاك شهادات
ايوه شافتها بسرعه وقالت درست كام ساعه
قلتلها 6 مستويات في 40 ساعه ب240 ساعه
حسبتها بسرعه وقالت طب ماخدتش اي امتحانات ثانيه
قلتلها ايوه انا امتحنت ال A2 قالت فين
اعطيت هولها
شافت الدرجات بتاعتي لمده نصف دقيقه
وبعدين قالت معاك صوره منه قلت ايوه واعطيت لها صوره من شهادة الدلف
انا مش عارف هي اخدة الصوره ليه
قالت لي انت درست فرنساوي قبل كده
قلت لها لا في المركز فقط
سالت بعدها المدام انتي درستي فرنساوي فين اجابت بنفس اجابتي
طب معاكي دلف قالت لا
قالت لي انت قلت انك دفعة كام قلتلها الاجابه بسرعه
قالت انت عاوز تسيب بلدك ليه
طبعا انا كنت حافظ اجابات كتير
مكذبش عليكوا انا نسيت كل الي كنت مذاكره
آه افتكرت انا عاوز اضمن مستقبل افضل لأولادي
وقلت مصر فيها مشاكل كتير اقتصاديه واجتماعيه باختصار
آلت بس كده
قلت لا وكمان انا عاوز اشتغل محاسب في كيبيك لان وطيفة المحاسب في مصر دخلها ضعيف
لان عدد المحاسين فيها كتير
في الوقت ده فتحت شهادة الخبره تاني وقالتلي انت غيرت شغلك ليه قلت لان الدخل كمحاسب في مصر ضعيف لكن في كيبك وظيفة المحاسب من بين افضل الوظائف المطلوبه
في الوقت ده كانت طبعت الاقرار المالي
وقالت هتاخد معاك كام في كيبيك
قلت لها انا هاخد 5000 دولار
قالت مسيو الحياه في كيبيك دلوقتي غاليه
قلت لها هاخد 6000 دولار
قالت مسيو انتم اربع افراد مش كفايه 6000
قلت لها هاخد 7000
قالت مسيو اول ثلاث شهور مفيش تامين صحي مفيش معونه بطاله وممكن يكون مفيش شغل ليك
قلت 7000 بس
قالت انت مش معاك غير كده
قلت لا انا معايا 10000 لكن انا محتاج مصاريف الفيدرال والطيران وو
قالت فعلا انت لسه وراك مصاريف كتير زي الطيران
كل الحوار ده بمنتهي الشياكه والهدوء
طبعت بعد كده ورقه اقرار اني مش هشتغل في كيبيك في وظيفة محاسب الا اذا انهيت متطلبات المهنه
لي وللزوجه كذلك
وكمان ورقة ثانيه مش عارف بتاعت ايه كتبت فيها اسمي وافراد الاسره وتواريخ الميلاد
وفي نفس الوقت كانت بتطبع ال CSQ
انا شفتها من هنا
وعرفت خلاص ان الموضوع كده انتهي
رغم ان في اسئله كتير لسه انا كنت متوقعها لسه متسالتش
وكانت طبعت ورقه فيها عناويين الاماكن الي لو احتجت مساعه ممكن اتصل بيها
وشرحتها لينا
وبعدين قال انتم اتقبلتم

انتم سعداء انكم اتقبلتم
ردينا بسرعه طبعا طبعا سعداء جدا
ودي كانت نهاية المقابله
بعدها قالت لينا بعض النصائح عن كيبيك وان للمجتمع الكيبيكي قيم قلتلها مقاطعا عارف ان في كتاب اسمه apprender le quebec وقريت فيه القيم قالت عارفها قلت ايوه المساةاه بين الرجل والمرءه راحت نظره الي زوجتي و ابتسمت
قلت وكمان الدوله علمانيه وان النظام السياسي بيعتمد علي الحريه والمشاركة والمساواه ابتسمت وقالت خلاص كده وقمنا سلمنا عليها بحراره
واخذتنا الي المصعد وهي بتشرح ان الجو في كيبيك هيكون برد علي الاولاد فلازم نروح في الصيف او الخريف

ونزلنا الي الباب الزجاجي وودعتنا بشياكه وحراره
عقبالكوا
انشاء الله
ربنا يوفق الجميع
المهم الي عاوز اقوله اني
ان هذه السيده حياديه تماما وبتعاملك علي اساس درجاتك الي انت المفروض عارفها من وانت بتكتب الابلكيشن وعارف ظروفك ومتطلباتك والتزاماتك
وقبل اي حاجه توفيق ربنا ليك في الاجابه علي الاسئله

[Nassarlink]

لي صديق عزيز

ورفيق في مشوار الهجره الي كندا

كتب تفاصيل رحلته الي سوريا

لعمل المقابله هناك

استأذنته شخصيا بالتليفون في نقل وصف رحلته هنا

الي ان يشرفنا بنفسه لانضمام الينا

في وجهة نظر

وسأتابع نشر رحلته الي سوريا

[Nassarlink]

حمودي في بلاد الشام

النسخة الكاملة لمغامرات حمودي فى بلاد الشام الحقوا اطبعوها لانها هاتبقى بفلوس بعد كده

((نسخة مزيدة ومنقحة))

اخواني رفقاء الهجرة



اولا سامحوني على التأخير لان ده غصب عني

ثانيا احب انوه ان كل حالة مستقلة بذاتها تعتمد على عدة عوامل

اولا الملف ودرجات المتقدم

ثلنيا طبيعة موظف الهجرة

ثالثا الحالة المزاجية لموظف الهجرة يوم المقابلة

رابعا طبيعة شخصيتك

خامسا حالتك المزاجية يوم المقابلة

كنت افضل انا لا اكتب مقابلتي لانني ارى انها اذ ربما تؤثر بالسلب علي البعض ولكن الزملاء وضعوا حلا بإبداء العهود والمواثيق انهم لان يتأثروا بالسلب برغم من انني من اكثر المشجعين لسرد التجارب فى موضوع المقابلات بالذات ولي توبيك بخصوص ذلك حتى لايذهب احد وهو مغمض العينين للتعامل مع المجهول حيث انها ليست 1 + 1 = 2 ولكن يتدخل فيها العامل الشخصي

انا دائما احب المختصر المفيد وليس لي فى السرد ولكن لابد من السرد لانني اعتقد اذا اختصرت ساخل بالموضوع وفى نفس الوقت ارى ان هناك اشياء لن تفيد لكن لن استطبع ان احذفها من السياق ولكن سأحاول جاهدا ان لااطيل عليكم حتى لاتصابوا بالملل

(سأحاول ان استخدم بعض التشبيهات لتقريب المعنى فى بعض الجمل )

اسف لاطالتي فى المقدمة السابقة

بدأت خطابات الانترفيو فى الوصول للمقدمين للهجرة لكيبك من اواخر شهر 8 وكنت سعيد جدا ( وقد وضعت فى بطني بطيخة صيفي)

لاننى من اوائل المتقدمين وكان بالنسبة لي انها مسألة وقت ليس اكتر. ثم فوجئت بالمتقدمين من بعدي يأتي لهم خطابات الانترفيو قلت مش مشكلة بردة مسألة وقت الى ان فوجئت بأناس من المتقدمين فى 5/2008 جاء لهم جواب انترفيو برده قلت ( طنش خالص واعمل نفسك مش واخد بالك ) على طريقة محمد صبحي فى مسرحية تخاريف

وكان عزائي الوحيد ان المتقدمين مؤخرا تأتي لهم المقابلات في سوريا اما انا لانى من القدماء فستأتي لي المقابلة فى القاهرة واهي فرصة اخد اطفالي القاهره قبل المقابلة بيومين وكمان بعدها بيومين للإحتفال بالنصر ولكننى بدأت بعمل خطوات جدية قبل مالجواب يجي ليا مثلا عند ذهابي للقاهره فى اى مأموريه من مأموريات العمل اقوم بدراسة منطقة السفارة وكنت ابحث عن حضانة وذلك لانه لي طفل رضيع وكنت اريد ان اجد له مكان يكون فيه في وقت المقابلة . وفي نفس الوقت قد قررت اى فندق انزل به

الى ان جاء يوم 5/11 فوجئت ان المقابلة جائت لي فى سوريا طبعا انا كنت متضايق ولكن بدأت فى تعديل خطتى لتتناسب مع الموقف

اولا قيل لي انا الذهاب الى سوريا يضيف الى درجاتي درجتين فى الدافعيه (مش متأكد من المعلومه دي ولكن اكثر من شخص اكد عليها) فقلت امري لله ابص للجانب المشرق للموضوع

ثانيا قررت ان اخذ اجازة من عملي قبل المقابلة ب2 اسبوع علشان ابدع فى اللغة الفرنسية التى لو حد جاب لي سيرتها حتى الان اصاب بجالة تشنجا ت وهذيان وبعض الاحيان هستريا

ثالثا اتصل بمعارفى فى سوريا لمحاولة الوصول الى فندق ذو سعر معقول وفى منطقة حيوية

وكان معارفي محصورين فى الاخ the Syrian الاخ الخدوم وزميلنا فى المنتدى وبشار الاسد وفاروق الشرع

ونظرا لعلاقتى المقطوعة من فترة بالاخيرين لاسباب شخصية فضلت ان اتصل بالاخ the Syrian عن طريق الميل وبصراحة عمل الى عليه اكثر من مره ولكنني قررت انى الجأ للحل السهل واتصل بحبيب السواق فاثصلت بيه وقلت له على ميعاد الطائرة ولكن قال لي اننى تأخرت وانها فترة اعياد وصعب وجود حجز قلت له حاول واعطيته ميعاد وصول طائرتي ثم عصرت على نفسي ليمونه وبدأت مذاكرة الفرنساوي

مابين الاعداد والفرنساوي التعليمي حتى استطيع ان اقيم حوار وكان تحصيلي عالى جدا فى اول يوم

ثاني يوم جيت اذاكر لقيت ماليش نفس ولقيت نفسي بهرب من المذاكرة زي اى تلميذ بيدور على سبب علشان يسيب المذاكرة ثم عرفت السبب الذي لم ادركة من اول النهار ان درجة حررتي عالية وان اطفالي مصابين هم الاخرين بتشكيلة من اللوز والتهاب الزور الخ ....

طبعا الى عندهم اطفال عارفين اللعبة بس زادت المرة دي بالاب تحاملت على نفسي وذهبت بيهم جميعا للكشف الطبي وعدت وانا فى غاية الارهاق وظللت ملازم الفراش ل4 ايام ثم بعد ذلك بداء الدور ينقشع ولكن بشكل بطيء وتحاملت على نفسي ولكن كنت بأذاكر بقرف نظرا لالتهاب زوري وصعوبة القراءة بصوت عالي .وظللت كذلك حتى يوم سفري الى سوريا

[Nassarlink]

في ســــــــــــــــــــــــوريا



عندما حطت الطائرة على ارض مطار دمشق وعرفنا ان درجة الحرارة 1 درجة مئوية كانت مشكلة لنا لان معنا طفل رضيع

ولكن الحمد لله زوجتى كانت عاملة حسابها كان بيرتدي 12 فانلة داخلية و 6 قميص على تي شرت و12 جاكت وتحتهم 5 بلوفر بالاضافة الى 14 بنطلون و3 شربات وكولون اخواته البنات بالاضافة الى بطانية الاطفال التى اصررت انها تبقى معانا فى الهاند باج

وعند نزولنا الى مطار دمشق وهو اشبه بمطاراتنا الداخلية بإستثناء منطقة الاسواق الحره وهو حاليا فى طور التجديد ولكن اعتقد بعد التجديد سيظل مطار ملخبط برده

ذهبت الى ظابط الجوازات لانهي الاجراءات فقام بختم جواز زوجتى وطفلي ثم سئلني سؤالين عن معنى مهنتي لم يعرف يقراءها فى الباسبور فشرحته له بس مااعتقدش انه فهم ثم ذهب على حجرة فى الجنب ثم قال لي المدام ممكن تتفضل بس انت هاتستني شوية فقلت له قد ايه قال لي 10 دقائق عندئذ قالت زوجتي (معتقده انها تنقذ الموقف) وانا من داخلي اتذكر الذكرى السوداء للاخ عمر وال22 ساعه بتوع المطار واخرين وقالت مااعرفش حاجه فى سوريا قلت فى عقل بالي يعني انا الى اعرف المهم قعد يروح ويجي ويكتب على الكي بورد الى نصف مفاتيخها طايره وزوجتى معتقده فى داخلها ان العملية 10 دقائق وانا عارف الى ممكن يبقى فيها لانهم رجعو ا ناس من المطار قبلا وشبح ال22 ساعه بتوع المطار بتوع الاخ عمر امامي وفجأه قال لي تفضل ذهبت للسير واخذت شنطي واستوقفنى اخر للتفتيش وعندما راي ان معي زوجتى قال تفضل ( طبعا احسست زوجتي بالاشقلبلاب لانها كان سبب فى مروري السريع )

رجال الامن فى سوريا ترى فى وجههم شيئا لاتراه الا فى وجه الظابط المصري (بدون تفسير اكثر)

وتحسبا لاى ظرف كنت قد اخذت معي تليفونات الفنادق المتوسطة فى الاسعار والتى جربها البعض وشكر فى خدمتها ونظافتها من السابقين على اعتبار لو حدث اى ظرف ولم يأتي حبيب السواق اجيب كارت واتصل من اى كابينة في سوريا ( مش بقول لكم سوريا دي بتاعتنا ) وفعلا عند ذهابي الى هناك لم اجد حبيب السائق

فذهبت الى الموقف خارج المطار ووجدت اتوبيسات لنقل الركاب الى قلب دمشق فسألت الاخ الذي يقوم بقطع التذاكر عن تليفونات

وذلك للاتصال بالفنادق ورؤية المناسب منها والذهاب اليه فى المطار فاستعلم عن موقفي وقال لي لايوجد فى المطار اى تليفونات ولكننى استطيع ان اخدمك قلت له كيف قال لي لي صديق سائق تاكسي يعرف الفنادق واسعارها وستذهب معه الى الافضل فى الجودة والسعر ستركب اتوبيس المدينة وسينتظرك بنهاية الخط وقام بالاتصال به ورفض مشكورا انه يأخذ ثمن المكالمة كذلك عند سؤاله عن اى تليفون للتحدث فيه قال لي لايوجد تليفونات فى المطار ولكن يمكن ان تجد فى قلب العاصمة فقررت انى اخوض المغامره وانزل دمشق وكلنت المشكلة تكمن فى اني معي زوجتي واخرابنائي وسبب اننى اخذته معي انه طفل رضيع

وكنت اتمنى ان اجد مكان سريعا لان درجة الحرارة كانت واحد مئوية وعند نهاية الخط كان السائق بانتظارنا وحدثت مناوشات على اولوية الدور مثلما يحدث عندنا بينه وبين سائقين اخرين لولا انى ذكرت اسمة وهو فهمهم ان منتظرني بناء على معرفة سابقة ذهبنا الى 3 او 4 فنادق من الفنادق الى انا كنت كاتب اسمها وعناوينها والميزة انهم فى مكان واحد لكننى اكتشفت اننا فى العيد والحز كامل واذا كان هناك اماكن فب3 اضعاف المبلغ الى انا كنت اعرفه سابقا وهنا تفتق ذهن السائق عن خطة عبقرية شقه مفروشة ووافقت على مضض لانه كان يدفعنى دفعا لها مما كان يثير ريبتي قليلا المهم اخذنى الى مكتب سماسره يعرفهم هو مسبقا وحبيبي من مصر وعايزين له شقه والحاجات دي وعند سؤالهم عن السعر قالوا لي سعر عالى ولكن اقل قليلا من الفنادق فبعد السمسره يكون الرقم ازيد بحوالي 2.3 من اى فندق (ماتستعجلوش هابقى اسيب ليكم الاسعار فى الاخر)

وتحت ارهاق الافراد اللذين اتوا من القبيلة معي وخوفا على صحة طفلي الرضيع قررت ان اكف عن البحث والقبول بالامر الواقع نظرا لاننا فى عيد والطفل الذي معنا وتعب زوجتي وذهبت معه لارى الشقه (بصراحه كانت مقرفة) الميزة الوحيدة وجود تكييف ونحن كنا بحاجة اليه حتى لايتعب طفلي .وقام السيد السمسار بعرض مميزات الشقة الى كلها حجرة 3 متر فى 3 متر وحمام بلدي ( بلاطة) ومطبخ تحت السلم طبعا هو ماعرضش الكلام ده هو كان كل الى يهمه انه يوريني ( الديشيتال ) الى فى الشقة الرسيفر يعني وشوف الديشيتال والى بيعملة الديشيتال ياعم سيبني فى حالى انت والدشيتال ده خلاص ادبسنا والى كان كان لاننا دفعنا 5 ايام مقدم وهى فترة اقامتنا لانى خايف انى احجز يوم ابص الاقى نفسي تاني يوم فى الشارع

استيقظت اليوم التالي لاحاول اكتشاف معالم دمشق ولاحضر فطار ووجدت فى طريقي فنادق فسألت من باب الفضول فوجدت اسعار مقاربة لما كنت اعرفه قبلا ولكن حدث ذلك فى وقت لاينفع الندم وكان لي صديق لم يأتي بعد اتصلت به مره قبل ايجادي للفنادق لاعلمة الوضع الخطر وانه يجي للسمسار العظيم بتاع (الديشيتال) وفى اثناء كلامي معه انتهى الرصيد وبعد ان صعدت الى الفنادق قررت الاتصال به لابشره بشرة الخير تلك وبما انه لم يكن معي رصيد قلت اكلمه من اى كابينة فى الشارع مثل رينجو السوري او ميناتل السوري او النيل السورى مالقيتش قلت طيب اشوف اى حد قاعد على جنب وعنده اتكلم براحتك والدقيقة ب 50 قرش مالقيتش وعرفت بعد ذلك ان لايوجد تليفونات لاسباب امنية وقلت فى عقل بالي بقى هو ونصيبه اعمل ايه اكتر من كده مافيش معايا رصيد الرصيد خلص بسرعه وانا كان فى دماغي ان معي رصيد يكفيني 10 سنين فى سوريا ومافيش تليفونات فى الشارع طيب اعمل ايه عدت الى المنزل اقصد البتاع الى كنت ساكن فيه وذلك بعد استكشافى لجزء من دمشق وكانت لي بعد ذلك طقوس يومية من الذهاب الى احضار الفطار والخروج ليلا الى سوق الحميدية

ولكن قبل يوم المقابلة عاد البرد لمهاجمتى مره اخرى مصحوبا بالتهاب الزور اياه فقبعت فى المنزل ولكن!!!!!!!!

[Nassarlink]

ولكن قبل يوم المقابلة عاد البرد لمهاجمتى مره اخرى مصحوبا بالتهاب الزور اياه فقبعت فى المنزل ولكن!!!!!!!!



اين سنترك طفلي فى وقت المقابلة هل نتركة وحيدا؟؟ ماذا لو استيقظ ولم يجد احدا او زحف وسقط من على السرير او وضعنا المراتب على الارض وزحف ونام على البلاط او اتزنق تحت دولاب او سرير وظل يبكي ساعات او شرق كما يحدث للاطفال

هل اعطية لاحد يجلس به افرض الى جلست بيه عملت شيء معدوم الضمير مثل سرقته او كما نسمع تجارة اعضاء . علمنا ( بكسر اللام)ان هناك تاكسي يؤجر بالساعة ويفعل ماتطلبه اى يجلس بطفلك فاتصلنا بيه فوجدناه مرحب وموافق الى ان علم سن الطفل فقال تكرم سيدي هذا صغير الى اللقاء

وهنا قررنا العودة مرةاخرى الى السمسار فبحث عن مربيه من الخادمات الذين يقمن بالتنظيف وكانوا كلما يعرفوا سنة يعتذروا الىان وجد اخيرا مربية وقال لي سعر حوالي 7 اضعاف المتوقع واعتقد ان المبلغ الذى تكلفناه فى ساعتين لو كنا فى امريكا كان من الممكن ان يتكلف اقل ولكننا كنا نعامل كسياح فى بعض الاحيان وكانوا يرون فى وجهنا علامة الدولار واحيان اخرى نعامل كخليجين ولكن كان يهمنى ان انهى هذا الموضوع سريعا وقد انهيته بعد عناء البحث فى حدود الحادية عشر مساء ودرجة الحرارة فى حدود ال1 درجة مثوية

بالنسبة لي بدأ يوم المقابلة من قبلها بيوم عندما بدأت الاستعداد للنوم وانا من النوع الذي يصعب نومه وعند مرور قطة فى الشارع استيقظ او اذا داعبت نسمات الهواء شجرة فىالشارع الذي اقطن به فلكي انام اعزل نفسي عن الدنيا كلها واضع مخدة فوق رأسي واغلق الانوار والابواب والشبابيك الخ........

والحمد لله نظرت فى الساعة فوجدتها ال12:32 ووجدت النوم يداعبني ونمت وانا مبتسم لان النوم غلبني ولم يطول ونمت قرير العين فجأه عند ال12:56 رن الموبيل الخاص بي وكان والدي يرن فقط للاطمئنان وانا طبعا ليس معي رصيد للرد عليه طبعا لم استطع النوم مره اخرى بسلاسة الا بعد الثانيه والنصف صباحا فى تمام ال3:30 استيقظت على ارق زوجتي ولم انم الا فى ال5 او بعدها بقليل واخيرا استيقظت الساعه 7 انا جسمي مدغدغ فطرنا وجهزنا انفسنا وتركت الاولاد فى طور الاستعداد وخرجت لالحق بالسمسار الى لسه هايوديني للمربية الذهبية وما ان خرجت من المنزل حتى وجدت ؟!؟!؟؟!؟!؟!؟؟!مشكلة اخرى



كانت تمطر ومطر شديد وعندنا فى مصر فى مثل هذه الاحوال غالبا نجعل اطفالنا لايذهبون الى المدرسة فكيف اخرج برضيع فى مثل هذا الجو ذهبت لاحضار تاكسي واخذنا يمين فى شمال للبيت ثم للسمسار ثم للمربية واخير انطلقنا على السفارة

زوجتى كانت تجلس بجانبي فىالتاكسي وهى فى شبهه غيبوبة ( بالبلدي مسخسخه)

طبعا كل الى فات مايهمكمش بس انتم الى قلتوا احكى بالتفصيل الممل على فكره ده كان المختصر



السبب ان مقابلات العدد الزائد تتم فى سوريا هو ان كيبك لها سفارة فى سوريا وهو المبني التالي لسفارة كندا دخلت السفارة والمنطقة التى دخلتها عبارة عن قبو اقل من مستوى سطح الارض بحوالى 1.5 متر واكثر وكانت المساحة الى جلسنا فيها تقريبا 3.5 * 3.5 متر ويوجد 3 ابواب باب للمجهول ( لايدخل منه الا العاملين بالداخل ) وبابان واحد مكتوب عليه واحد والاخر مكتوب عليه 2 عرفنا بعد ذلك ماوراء هذانالبابان وهى حجرات صغيرة مقسمة لجزئين جزء نجلس فيه وجزء يجلس فيه الموظف يفصل بيننا زجاج 8 ملم

وجــلـسـنـا

جلست زوجتي بجانبي وسخسخت اكتر وانا انشغلت فى البحث عن كاميرا للمراقبة حيث انه قد قيل لي انه يوجد كاميرا مستخبية وقد شغلني الهاجس الامني ( طبعا كنت عايز اقول بصوت عالي بطريقة عادل امام فى النمر والانثي لزوجتى) الناس دول طيبين قوي ياسلام على الكيبكواز ياسلام ناس ماحصلوش ناس محترمة صحيح وياسلام على كيبك بلد رجالة وبتطلع رجالة طول عمرها كل ذلك ونحن فى انتظار باولو الشهير لانني لم ارى احد فى السفارة الا وكانت مقابلته مع هذا الباولو وقد كونت له صورة فى رأسي بأنه نحيف طول حوالي 180 سم مقارب لل60 له هيئة رجال البحر الابيض المتوسط وذلك نتيجة لاسمه خرج هذا الباولو ونادى على شخص اخر وقال له بورد ان ووجدت انه ذو هيئة مختلفة ذو وجهه انجليزي صافي

وفى اثناء البحث عن الكاميرا المزعومة .......

هل يوجد منكم من دخل قسم شرطة قبل ذلك؟!؟!؟!؟؟ عفوا طبعا لااقصد كزبون مستديم ولكن مثلا محضر فقد بطاقة او اصدار وثيقة مش عارف ايه الحاجات دي يعني ساذكركم بمشهد شبه متكرر ااااه والله يبيه مانا اااااااااااااه بصوت ترج له القلوب مش انا ( طبعا فاكرني ببالغ )

بعد 5 دقائق من جلوسي انا وزوجتي سمعت باولو يقول بصوت ظابط شرطة فى قسم شرطة فى منطقة شعبية

نو اراب

نو انجليز

سولمون فرانسية

دي روايتي

زوجتي سمعته يقول

نو اراب

نو انجليز

نو فرانسية

طبعا مش محل خلاف وقتها ولكن بعد المقابلة كنت مختلفين مين فينا الى صح

اخترق صوته الزجاج ال8 ملم ومن قبله نصف متر التى بينه وبين الزجاج وتقريبا متر او متر ونصف مابين الزجاج والباب الذى اعتقد انه من المفروض ان يكتم الصوت وهو باب الحجرة و3.5 متر ليصل الينا

فوجدت زوجتى قد سخسخت اكثر ثم قالت لي ماتيجي نمشي بكرامتنا احسن

انتظرنا بعد ميعادنا بربع ساعه ووجدنا فتاة ظريفة في بداية الثلاثينات تخرج الينا مبتسمة ونادت علي اسمي نطقته خطأ قلت ( بطريقة محمد صبحي فى تخاريف ) طنش خالص واعمل نفسك مش واخد بالك خوفا من ان يظهر احد ينازعنى ويقول ده اسمي ويظهر الفرنساوي المنيل بتاعي فقالته مره اخرى باسلوب تاني طنشت برده قالته مره تالته فقالت زوجتى لها اهو الشخص الى قاعد جنبي ده فصححت لها الاسم بإبتسامة مفتعلة ورخمة فى نفس الوقت

فقالت انشنتيه ( بس انشنتيه بجد مش زي بتاعة المسلسلات بتاعتنا انشانطييييه) بورد ان

وفى هذه الاثناء خرج صديقي الذي كنت ابحث له على سكن واعتقدت انه تاه وكان اوفر حظا مني فى السكن وكذلك كان لسه مقبول فكانت بشرى سعيده وكان خارج فى منتهى السعادة

[Nassarlink]

الــمـقـابـلـة



دخلت بورد ان وجلست ورأيت فى الزجاج الى امامي انعكاس صورتي فى الزجاج ايه ده ؟؟؟؟؟؟؟؟؟؟؟ايه الى انا شايفه ده ايه الى بيحصل ده

مش كفاية هدومي الى اتبلت من الشتاء كمان !!! ياترى انا شفت ايه

طبعا كلكم تعرفوا فيدو ديدو نتيجة للشتاء اصبح شعري مثل فيدو ديدو اذا هدوم مبلله وشعر فيدو ديدو وكمان نسيت احط كالونيا (بفتح الكاف والألف) خلاص المقابلة بازت

جاءت الموظقة وجلست تتحدث معنا وقالت الشويتين الى فى الاول الى انا مش عارف معناهم ايه بالفرنساوي بس كل المقدمين عارفين معناهم بالعربي انى انا هنا لتقييم ملقك الخ....

قلنا ماشي قالت ممكن شهادات التخرج قلت اتفضلي واديتها قالت نو ببص لقيتنا بطلع شهادة الميلاد يادي النيله من اولها كده اول القصيدة كفر قلت لها اتفضلي وبصت فيهم وقمت قايل الكلمتين الى انا حافظهم عن تاريخي الدراسي وقلت ياواد ريح دماغك وقبل مالموضوع يهرب قول لها على الدلف فقلت لها وكمان انا معايا الدلف فطلبتة ونظرت فيه واحتفظت بيه مع الشهادات

ثم سألت رحت فين فى سوريا

كان العزيز جادوللي قبل ذلك قال انه برغم وجوده فى كيبك من فترة الى انه عندما يسمع الفرنساوي يبرق ويحدث تأثير ات فى جهه لااتذكر قوله بالظبط ولكن انا دائما مايحدث معي العكس عندما اتحدث الفرنسية اجد من هو امامي يفتح فاه ويبرق ووجهه يحمر وتحمر اوداجه وتحدث بوادر عصبية لو كان لسانه الام الفرنساوي ( اعتقد ذلك ناتج عن عدم فهمه الفرنساوي الحديث وتعليمهم الخاطيء في بلادهم) فى الاخرماحدش بيفهم الفرنساوي الحديث بتاعي

وفجأه لقيتها تحولت للانجليزيه بعكس ماهو متوقع بعد حوالي 5 دقائق من اللقاء لانه دائما ( تبعا لتجارب الزملاء السابقة ) الانجليزي غالبا فى التلت الاخير من المقابلة والربع الاخير كمان ( من داخلي احسست انها بشرة خير )

وهات ياانجليزي وانا سعيد من داخلي ثم سألت عن فرنساوي المدام وبعدين قالت لي انا هاقيم الفرنساوي بتاع المدام واشارت لي بالسكوت بحركة ظريفة سألتها عن الدراسة والاطفال ومراتي ذات المستوى الاول اجابت بفرنسية سليمة وطلاقة ( على فكره ماكانتش تعرف فى الفرنساوي الا الكام جمله دول حتى الالوان حفظتها 4 بالعافية قبل المقابلة تحسبا لاي سؤال مفاجيء)

قالت لى مره اخرى بالفرنسية لماذا كيبك اخوكم كان حافظ حوالي 16 جملة مكلكعين وكنت حافظهم ميه ( بتشديد الياء) قلت لها اول جمله فقالت لى انتظر لانني كنت اسرع من يدها فى الكتابة فتظاهرت بالتعاون ونطقت ببطىء ثم الثانية وال يعني بستنى لما تكتب كل كلمة لحد ماهي زهقت وانا زهقت فى الجملة الرابعه هى كانت سريعه فى الكتابه بس لما انا دخلت فى الاول كنت اسرع من المطلوب بس بصراحه ماجاليش نفس اكمل مش عارف ليه مع ان ده اهم سؤال وكمان الى بيتحدد عليه الدافعية والحافز ولكن لااعرف لماذا رفضت من داخلي انى اكمل وهى فضلت منتظره وانا مطنش وعامل نفسي مش واخد بالي ومستنيها لما تنقل على الى بعده وبعدين الحمد لله انتصرت ونقلت على الى بعده ( بس ماحدش يعمل كده انت المفروض تتكلم وتتكلم لحد مالموظف يزهق فى السؤال ده بالذات ويقول لك كفاية زي ماحصل مع معظم الزملاء او على الاقل تقول 10 جمل بدوافع مقنعة ) لكن انا مش عارف ايه الى حصل ليا يمكن جت ليا نعرة فرعونية ( ايه الكيبكاوية دي الى عمالة تستجوبني انا المصري كريم العنصرين )

ثم استدارت لي وقالت لي تعرف ايه عن كيبك السؤال الالزامي ولكن وهيهات هل تعرفون لماذا هيهات ؟!؟!؟!؟؟؟!

[Nassarlink]

ثم استدارت لي وقالت لي تعرف ايه عن كيبك السؤال الالزامي ولكن وهيهات هل تعرفون لماذا هيهات ؟!؟!؟!؟؟؟!

لاننى اعتقد اننى اول شخص يسئل هذا السؤال بالانجليزية يادي النيله عمال احفظ تاريخ كيبك بالفرنساوي الى مش طايقه ولافاهمه (مش تاريخ ولا حاجه هما 3 جمل بضم الجيم )

ورئيس الوزراء مش عارف مين وشوية الحبشتكنات الى انتم عارفينها بتاع 20 جملة بس خفاف مش مكلكعين حفظهم سهل

من اول الهجرة وده حلم مش ليا بس للجميع ان احنا تكون المقابلة بالانجليزي ولكننى وجدت نفسي فجأه عاجز عن التعبير لانني عند الرد لم استطع الرد التلقائي بالانجليزي ولا بالفرنساوي كمان كنت حافظ و وجدت نفسي اقوم بترجمة الجملة من الفرنساوي إلي مش فاهمه وعمرى مافهمته الى الانجليزي وبدأت التهته قلت لها البريمير ( بكسر الياء الثانية) منستر جون شاريه لا مش بتنطق كده لا انا لازم اقولها انجليزي اقصد البريمير (بتسكين الياء الثانية ) وحتة انجليزي على حتة فرنساوي حتى التواريخ لاول مره اجد نفسي احاول انطق ارقام انجليزيه بصعوبة لاننى كنت اولا اتذكر التاريخ بالفرنساوي ثم اطبع صورة ضوئيه فى ذهني ثم اقوله بالانجليزي فلم استطع الكلام بتلقائية فمثلا طول عمري اقول التواريخ 1972 اقولها نينتي سفنتي تو ولكننى وجدتا نفسي اجيبها من اول زرع وحصد باللغه الانجليزية ( وان زاوزند ناين هاندرد سفنتي تو) المهم زهقنا من بعض ووقفنا عند المعلومه الى قلتها لها ان برلمان كيبك من اقدم البرلمانات كانت غير مقتنعه ( ويصراحه ولا انا كمان ) قلت لها ياستي من اقدم البرلمانات انا هاضحك عليكي دا انا جايبها من على النت دي حاجات ديجيتال ( اقصد ديشيتال ) لسه ماوصلتش كيبك المهم وصلنا لتسوية وترضية مقنعه لنا نحن الاثنان قبل مانمسك فى بعض وتستناني بره السفاره بعد المقابلة الا وهي ان برلمان كيبك يعد فعلا من البرلمانات القديمة لانه قبل برلمانات افريقيا والشرق الاوسط

قالت لي ماذا ستعمل فى كيبك قلت لها مهنتي وانا اعلم انها تحتاج الى تصريح وساحاول الحصول عليه فقالت لي ان لم تحصل عليه ماذا ستفعل (قبل المقابلة كنت متوقع هذا السؤال وكنت ناوي افحمها الى كنت مجهزة انى اقول لها انى هاشتغل عملى ولكن بوضع مؤقت ولفترة محدودة هاشتغل مساعد ثم بعد ذلك وبعد الحصول على تصريح او عمل معادلة سأعود الى وضعي الطبيعي وخبرتي تؤهلني الى ذلك فأنا اعمل منذ مايقرب من 15 عاما فى هذه المهنة وانا اعتقد ان رخصة المزاولة التى معي يحملها اعداد قليلة (طبعا ولاقليلة ولاحاجه ) ده الى كنت ناوية

ولكنني بعد ان قلت لها تحتاج الى تصريح وانني سابحث عن اى وظيفه اخرى قالت لي مثل ماذا قلت لها مثل صراف او بائع ثم لقيت نفسي عمال اكر ( بضم الكاف ) الاعمال المتواضعه اشي عامل فى بنزينه واشي سوبر ماركت ايه الى انا بهببه ده ( مع احترامى لكل الاعمال) او سائق ( يمكن دي جوايا رغبات دفينة وطلعت نتيجة للمقابلة ) لكن احسست فى وجهه بلحظة تفكير وتمعن ثم سكتت

فقالت لي بهدوء الافعى قبل ان تنقض على فريستها وتقريبا فعلت مثلها بان ارجعت جزعها للوراء قليللا هل انت الذي قمت بمليء الابليكيشن الخاص بك قلت لها لا مكتب من المكاتب لان عند بدء مشروع الهجرة كان الفرنساوي ضعيف وخفت انى الخبط الدنيا

قالت لي وقد انقلب وجهها الطفولي البشوش المتفهم الطيب الحنون الوديع الى كان شغال معانا طول المقابله بطيابة وقالت وهى تقلب الورقة مثل الفطاطري لما يقلب العجينة بتاعة الفطير وهي تكاد تلزق الابليكيشن فى الزجاج وهى مغمضة عين ومفتحة عين وتتعامل معي باسلوب شرلوك هولموز بولاق الدكرور تفسر بايه المستوى العاشر الى انت كنت حاطة ليك ولمراتك فى الفرنساوي ( كان المكتب الى انا كنت متعاقد معاه من باب تعزيز فرصتنا فى القبول كاتب ان انا ومراتي مستوى عاشر ) فقلت لها كنت متخيل اننى ساصل الى ذلك المستوى ولكن نظرا لظروف عملي واطفالي وظروف زوجتي فقد انتهيت عند المستوى الخامس بشكل مؤقت

فتنفست الصعداء ورجعت لطيبتها المعهودة

خلاص كده مر حوالي ساعة و20 دقيقة كفاية بقى ياستي

ثم استدارت مره اخرى وسألتني اغبى سؤال ممكن ان يسئل فى المقابلة ؟!؟!؟!؟!؟؟!؟!؟!؟!؟؟!؟!؟!

لدرجة اننى لم افهمه فقالت لي بالفرنساوي ماهو الفرق بين اللغة العربية واللغة الفرنسية استغرابا للسؤال قلت لها عيدي

قالته مره اخرى بشكل ابطيء لم اصدق انه هذا هو المقصود قلت لم افهم فقالته بالانجليزية ووجهها ولسان حالها وطريقتها توحي بانها ناقص عليها تقول ( اعمل له ايه ده يااختي )

قال عيدي عدنا قال مافهمتش قلنا بالانجليزي ولسه مافهمش

فأعدت عليها السؤال باللغة الانجليزية باسلوب مختلف فقالت هذا مااقصدة فقلت لها الفرنسي بها كثيرا من القواعد كذلك لايوجد ادوات نكرة فى اللغة العربية فاقتنعت واحسست انها انتهت مني ثم مره اخرى قلت لها ولكن محدثا نفسي كثيرا من القواعد ولو ان لها ملكة قرأة الافكار واعتقد انها قرأت مافي وجهي وقتها وهو (كثيرا من القواعد الغبية)وبنفس الطريقة المباغتة وبنفس الاسلوب استدارت الى زوجتى وقالت لها كيف قضيتي الويك اند الى فات طبعا انا قلت عليه العوض هاتجيب كلام منين دا انا زوجتي لسه مستوى اول وبالعافية

لقيت ربنا كرم زوجتى بكلمتين بساط واجابات بطلاقة وسرعة لم اتوقعها ولكن كافيين انه تقفل المواضيع

قالت لها قضيته فى البيت

اتفرج على التلفزيون ( من سنة اول ثانوي) ومع اولادي

كنت عايز اقول ايه الجمال ده ايه الحلاوة دي بطريقة الاخوه الهتيفة ايام الانتخابات بتاعة مجلس الشعب

عند ئذا تنفسنا نحن وهى الصعداء حسينا ان احنا خلصنا من بعض هي حست انها عملت الى عليها وانا حسيت انه كفاية خنقة بقى

هووووووووووووووووووووووووووووف واستدارت لنا وتركت اللاب توب وقالت



انتم مستواكم فى اللغة الفرنسية لايؤهلكم لدخول كيبك؟؟؟!؟!؟!؟؟!؟!؟!

[Nassarlink]

ولكن درجاتكم تبعا للقانون مش عارف كام تؤهلكم لدخول كيبك مش عارف القانون القديم والا الجديد واننا ذا طبقا عليكم القانون كذا فانكم لن تقبلوا ولكن الابلكيشن بتاعكم مطبق عليه القانون رقم كذا او قانون سنة كذا وبناء عليه فانتم مقبولون فقلت لها مداعبا لاننى كنت احس انها ستقول ولكن بعد ان قبلتنا ارجوك لاتقولى ولكن وانا اضع يدي تحت ذقني مثل الهنود

فقالت مبتسمة باسلوب ظريف وهي تطنطط على الكرسي لا لازم اقول لك ولكن وقالتها مره اخرى مبتسمة بشدة لازم اقول لك ولكن

لازم تقوا الفرنساوي بتاعكم لان مهنتك تحتاج الى لغة وقالت لزوجتى حتى لو لم تعملي فانتى تحتاجين اللغه لمتابعة الاطفال فى المدرسة

ثم قالت لي انت تعتقد انك جيد فى مهنتك ومع ذلك قبلت بوظائف بعيدة تمام الاولى لك ان تعمل مساعد في مهنتك ثم تدخل مهنتك بعد عمل المعادلة او اخذ التصريح قلت لها فى عقل بالي ( يبنتي والله ده الى انا ناوية ولكن اعمل ايه وبطريقة محمد هنيدي فى فيلم بخيت وعديلة الجزء الاول ( دا انتى عليكي هيبة ياست انتى نستيني كل حاجة ))

ثم لم تتم الفرحة عندما قالت ولكنى ااسفه لان الكمبيوتر عطلان وبالتالي سابعث لكم السي اس كيو على البريد شكرناها وخرجنا وعنئذ رأيت فى وجه زوجتي شيئا رأيته قبل ذلك فى وجهه نصار لينك وسمعته فى صوت ابن سيناء

وفى صوت محمود الامبابي بعد المقابلة وفي صوت احمد يحي بعد المقابلة واخرون ممن انا على علاقة مباشرة بهم او علاقة عبر النت او علاقة تليفونات

هذا الشيء مزيج من الراحة النفسية وازاحة حجر ثقيل من على الصدر على مزيج من الثقه والافتخار هذا الشيء لم اجد له اسم الا السي اس كيو ولكن بالنسبة لي فأنا ارى اننا نجونا من مقصلة ولكن لازال هناك مقصلتان الفيدرال ثم الطبي
خرجنا ووجدنا شاب مصري قاعد فى البهو فقال لنا الاخبار ايه قلت له الحمد لله فقال المقابلة سهلة قالت زوجتى والتى فجأه اصبحت خبيرة فى شئون الهجرة (كان كل علاقتها بالهجرة انى عرفتها بالقرار في اوائل عام 2006 ثم بالعافية ذهبت تأخذ كورس فرنساوي فى شهر اغسطس الى فات بعد الحاح مني ومساومات مين الى هايقعد بالاطفال بالاضافة الى اعرابها فى اول كل اسبوع عن رغبتها في ترك الكورس وان نصرف نظر عن موضوع الهجرة ده ) فقالت للشاب الحمد لله كلها بالانجليزي فتهللت اسارير الشاب
قلت لها وانا اجز على اسناني اشكوتي انتى هاتضيعي الولد قلت له وانا يلاحقنى الهاجس الامنى بتاع الكاميرا الى مش عارف مكانها وقربت منه حتى لاتراني الكاميرا ولا الست دومينيك وقلت وانا اجز على اشناني اوعى تتكلم غير فرنشاوي انا ومراتي لنا ظروف خاصة واستكمالا لمظهرنا الحضاري قمت فتحت الباب لها بطريقة راقية مثل رشدي اباظة فى افلامة وانا اكاد اقول باسلوب مسرحي فلتتفضل الهانم وخرجنا من السفارة ونحنا نحافظ على مظهرنا الحضاري عند الباب افتح لها الباب وهى تتقدمني لحد ماخرجنا منطلقين وفى نفس الوقت بدأنا نعود الى مصريتنا شيئا فشيئا واختلفنا عن سبب النجاح فانا ارى ان سبب نجاحنا جاذبية الرجل المصري على فتيات الكيبكواز وزوجتي تقول ان السبب هو مجموع الدرجات وذهبنا لنحضر طفلنا من عند المربية الذهبية ونعود الى الشقة الديشيتال





وطني وان جار علي عزيزا واهلي وان ضنوا على كراما

عدنا الى القاهره وطبعا السائقين فى المطار بيلقحوا جتتهم بس كل ماتبعد طبعا السعر بيقل يعني الى بيقابلك اول ماتخرج تبقى التوصيلة ب9000 جنيه لاي مكان داخل مصر وتفضل تقل كل ماتبعد لحد ماتبقى 35 جنيه لاي مكان داخل القاهرة وطبعا لازم ينصب مثلا وهو بيحكي ليا هو بياخد 35 جنيه قال 5 كارتة المطار و30 للتوصيلة وهو واقف اصلا على او خارج حدود المطار بس قلت لزوجتي وحشني النصب المصري زهقت من النصب السوري وقبل ان اصل الى المنصورة بربع ساهة اتصل بي والدي فقلت له باقى ربع ساعة انا على بعد 20 كم الان فقال سأنتظرك قلت له ماشي بس ماتتأخرش قال ليا انا نازل اصلا ثم رجعنا الى المنصورة والحمد لله طفلي الرضيع اصبح خالي من البرد نتيجة للحاجات الى كان لابسها وقلت ليكم عليها قبل كده والتكييف السخن الى كان فوق دماغنا لكن لم اجد والدى قلت زمانة جاي اتأخر شوية كل ده والتاكسيات تكاد انهم ينزلوا يركبونا بالعافية معهم لقلة الزبائن كل تاكسي يعمل فرامل ويرجع بظهره ويقول على فين واحنا نقول مستنين ناس وانا عمال ارن على والدى ماهو التليفون اشتغل وال 7 جنيه الى كانوا باقيين فيه بقوا ثروة الوقتى وممكن يتصلوا بتاع 25 دقيقة

وانا عمال ارن والوالد مطنش وابني بداء يتململ ويوقع البطانية من علية ونحطها عليه طبعا الى عنده اطفال عارف لما الطفل يرمي جزعه لورا وكنا واقفين عند الاسناد مافيش عمارات ولاحاجه حولنا تيارات هوائيه من كل ناحية وابني مش عاجبة وعمال يشيل البطانية والوالد ماجاش وخايف امشي يجي وخايف استناه طفلي يتعب تاني واخيرا جاء

كان الوالد لقى وهو جاي سوبر ماركت فاتح وكان فى ضيوف جايين فقال اجيب الحاجة بالمرة لحد ماابقى ارن له واتاريه عامل موبيله سيلنت وعادت الينا التهابات اللوز مره اخرى وبدأت العدوى من جديد لي ولزوجتي ولاولادي (طبعا ماالشمل اجتمه تانى ) يعني فى كل الاجواء دي تجنبنا البرد ورجع تانى البرد والانفلونزا والتهابات اللوز وتوابعهم علشان النص ساعة الى وقفناه من 6:25 صباحا حتى 6:55 صباحا ثم رجوت والدي الايقول لاطفالي بعودتنا حتى نكمل نومنا لاننا لم ننم من امس وعند دخلوي الى منزلي كانت سباكة اسفل الحوض ضربت قلت مش مهم يعني هاتيجي على دي ونمنا بعمق ولم تمر الا ساعة الا وجدت دماغ تدخل على (كما ذكرت لكم سابقا اى شيء يجعلنى اصحو ( كان ولي عهدنا) )يريد الاطمئنان علينا ولكن لايريد ايقاظنا طبعا صحيت وجاءت من عبده ابنتي الصغيرة والتى تجرى فى المنزل مثل مدام شجرة الدر فى مسرحية سيدتي الجميله ثم من بعدها ابنتي المفكرة وبعد ان ايقظونا ( لم يدم بقائهم معنا الا دقائق ) انسحبوا ليذهبوا ليكملوا لعبهم كأن دورهم كان ايقاضي فقط ونحن لم ننم بعد ذلك الا فى الواحدة من صباح اليوم التالي تعب مع ارهاق مع جميع انواع البرد والانفلونزا خدوا عندكم ( انفلونزا والتهابات اللوز و رشح وزكام وحاجات تانية انا مش عارفها ....) نتيجية للتغيرات الجوية الكثيرة التى تعرضنا اليها

[Nassarlink]

ســـوريـــا



بالنسبة للاسعار فى سوريا

وذلك حتى يقوم القادم بعمل ميزانية

سعر الفرخة ( الفروج ) ومعها بطاطس ( بطاطا) 300 ليرة سوريه ذات حجم كبير ومحمرة او مشوية بعناية

سعر سندوتش الشاورما 50 ليرة سوريه (سندوتش فينو 25 سم او فى عيش لبناني كبير)

طبق شاورما 100 ليرة

متوسط اسعار السندوتشات فاهيتا مكسيكان كبدة فليهات الخ ( سندوتشات ذات مستوى جيد واتقان ) من 50 ليرة سورية الى 65 ليرة سورية

علبة فول متبلة 50 ليرة سورية تكفي شخصان

قرص الطعمية ( الفلافل) 5 ليرة سورية

فتة ( جربوها مش هاتندموا) دى عند بتوع الفول اقل شيء 75 ليرة سوري وفى المناطق الشعبية يمكن ان تأخذ طبق من البيت وتذهب لاحضارها فيه مكونة من ( حمص شام عيش محمر وعيش مش محمر وطحينه وزيت ومش عارف ايه كمان)

كيلو موز فاخر 40 ليرة سورية

تفاح 75 : 80 ليرة سورية

برتقال بصرة 25 : 30 ليرة سورية

كيس عيش ( لبنانى 1 كجم ) 35 ليرة سوري

زبادي 200 جم 15 ليرة سوري

زجاةج مياة غازية 2.25 لتر 40 ليرة

زجاجة مياة معدنية 15 ليرة

لبن 1 لتر 40 : 45 ليرة

معجنات 15 ليرة وفى ب10 و20 ولكنها جيدة (بيتزا عليهالحم مفروم او سبانخ او فراخ اقصد فروج بكمية كويسة وليس قشرة طماطمية او قشرة زيتونة)

الملبوسات اقل من مصر ب 20% : 30%

السكن

الفنادق للفرد من 500 ليرة الى 2000 ( ده الى اعرفه ممكن يكون فى اكتر واقل ) فى الايام العادية

الشقق ابتداء من 1200 ليرة

الحل الامثل فى السعر الدير 600 ليرة للفرد ( مستوى خدمة جيد نظافة ممتازة) ولكن يعيبة البعد كنيسة مقام القديس بولس باب شرقي طريق جومانة مفرق دويلعة طبالة تليفون 00963114723377

[برجاء التسجيل لتتمكن من مشاهدة الروابط. ]



وسأكتب الفنادق التى ارى ان سعرها مناسب

فندق الديوان دمشق بحصة مدخل ساروجة 2318567 - 2318567

فندق الخيام ش 29 ايار خلف سينما السفراء2323301-2323300-2323302

فندق القصر الفرنسي دمشق شارع 29 ايار جانب مطعم الكمال 2314015 - 2321950

فندق الحرمين سوق ساروجة البحصة 00963112319489

[برجاء التسجيل لتتمكن من مشاهدة الروابط. ]

فندق ش خالد بن الوليد جانب المطبعة الرسمية 00963112226737

فندق الثورة خلف القصر العدلي 00963112228558

فندق البرج الفرنسي ش 29 ايار 009633112314000

لو عايزين شقق ممكن تنزلوا ش المزرعة عند جامع الايمان او خلف السفارة الروسية يوجد سماسرة كتير او جرنان الوسيط بتاع دمشق من على النت تقدر تدخل عليه زي بتاع مصر

الادوية اغلى من مثيلاتها فى مصر

المواصلات

التاكسي بالعداد ولكن عندما يعرف انك اجنبي بيطنش فيجب انك تقول له شغل العداد بداية البنديرة 5 ليرة بس فى حالة عدم التشغيل ومعاملتك على انك اجنبي من 100 الى 150 ليرة

الميكروباص اسمه السرفيس 10 ليرة سورية

الليموزين من المطار من 1100 ليرة الى 2000 حسب حجم السيارة

ولكن الاتوبيس من المطار الى البرامكة 45 ليرة والشنطة 25 ليرة ويمكن اخذ اى سيارة اجرة ب100 ليرة الى اى مكان او ميكروباص ب10 ليرة وذلك بدلا من 1100 ليرة الليموزين

ولكن سائق التاكسي برغم انه ممكن انه يكون سمسار ويبيعك زي السائق الى عمل معايا فى اول رحلتي الا انه الطف من السائق المصري واكثر طاعة ممكن استنى هنا انتظرني هنا يعنى السائق بتاع ميلودي مش موجود هناك بالاضافة الى انهم هناك سجن على طول للمخالف



الاتصالات

لايوجد سنترالات ولاتليفونات فى الشارع ولا اتكلم براحتك الدقيقة ب 50 قرش ولاكبائن

الحل البديل شراء خط ب 350 ليرة وشراء رصيد ب300 ليرة ويمكن بيع الخط عند العودة

والحل الامثل الذهاب بخط اتصالات من مصر وتقوم بالبحث عن الشبكة عندما تصل لسوريا لفتح خدمة التجوال يوجد شبكتان نفس الجودة فى دمشق اختار اى منهما سعر الدقيقة لمصر ب7.8 ودقية الاستقبال ب 3.4 والرسالة 1.8 واستقبال الرسالة ولله الحمد مجانا

يوجد تجوال لفودافون ولكن يزيد السعر قليلا عن اتصالات مثلا دقيقة لمصر ب10 جنية وتقريبا دقيقة الاستقبال 4 جنيه الاتصال داخل سوريا 6 جنيهات

موبينيل لايوجد به خدمة تجوال فى سوريا



الشعب السوري ارى انه ودود ولكن بحرص لان سوريا دولة بوليسية ممنوع الكلام فى السياسة ورأي هذا بعكس رأي زوجتى التى ترى انهم شعب مستغل ولم تدرك انها مخطئه الا فى النهاية وسبب ذلك اننا معظم تعاملتنا كانت مع سائقي التاكسيات والسماسره واعتقد ان هذه الطبقة اسلوبها واحد فى مصر وسوريا ولكن سائقي التاكسي اقل حدة نظرا للقانون واعتقد انك بركويك التاكسي تكون قد اجرت السائق مثلا ممكن ترسله الى مشوار او تجعلة ينتظر وسينتظر بدون ملل مادمت ستدفع او تجعله يقف فى انتظار انك تجيب حاجه من مكان ما

ولكنها تأثرت بما تم من استغلال لنا فى السكن ومع بعض سائقي التاكسي بالاضافة الى المربية الذهبية اتذكرون الاخ الذى قابلته فى مطار دمشق وقام بالاتصال بصديقة سائق التاكسي لمساعدتى

احسست انه فعل معي جميل شديد حتى اننى ذهبت لاشكره عند مغادرتي ولكنى لم اجده فتركت له رسالة شكر وبعد الدخول الى المطار من الجهة الاخرى وجدت قرب صالة المغادرة فى المطار شركة الاتصالات الوحيدة التى وجدتها فى سوريا فهو لو لم يبخل علي وقام بإعطائي مكان السنترال بدلا من إدعائه بعدم وجود سنترال وإعطائي الى زميلة (سائق التاكسي السمسار)كان من الممكن وضع اقامتى يختلف فى سوريا

[Nassarlink]

ولكن فى المقابل كان هناك اناس متعاونون وفي غاية الطيبة سأذكر اخر موقفين تعرضنا لهم كنا نجلس فى المسجد الاموي قبل السفر ب12 ساعة وجلت الى جوارنا اسرة سورية ودردشنا معهم وقاموا بقول ذكرياتهم عن مصر ونحن قلنا ماتعرضنا له فى سوريا وهم يقطنون بضاحية شعبية هناك وبعد انتهاء التعارف وحلول موعد مغادرتهم وذهابهم وجد السيدة والتى تمشي بصعوبة تأتى من اخر الدنيا لتعطي لزوجتى تليفون منزلها وتقول انها على استعداد لفعل اى شيء او اذا احتجنا اى شيء من السفارة يمكننا الاتصال بهم من مصر وسيقومون بإنهاء الاجراءات او اى مساعدة يستطيعون تقديمها لنا وقالت لنا نحن شعب طيب جدا ولكن توجد عدة انفجارات حدثت الايام الفائتة جعلت الجميع حذربن ويقبعون فى بيوتهم وكذلك ممنوع التحدث فى هذا الموضوع وعادت وهى تمشي بصعوبة بطول المسجد الاموى على الاقل 100 متر رايح جاي

موقف اخر

وكذلك الاخ the Syrian ومحاولة المساعدة مع انه بقطن فى حلب

ذهبنا الى المطار قبل موعدنا ب6 ساعات وقد هلكنا من كثرة المشي كذلك لاننا فى اخر اليوم وغير مسموح لما بالدخول الى صالة المغادرة لان ميزان رحلتنا لم يفتح وكما ذكرنا سابقا ان مطار دمشق فقير فى الخدمات وقد مر علينا شاب عدة مرات وفى الاخر سألنا عن طائرتنا وقلنا له باقي 6 ساعات وعلامات الارهاق تبدو علينا فما كان منه الى ان ادخلنا فى منطقة محظورة فى المطار ربما تكون طائرة او صالة كبار الزوار او مكان خاص اخر او سيارة خاصة المهم شيء ممنوع دخولة الا الى فئة محدودة ولكن لااستطيع تحديدة خوفا من يتعرض لاذى هذا الشخص الكريم ( وانتم تعرفون ان من يقوم بفعل كهذا يعدم في ميدان عام فى دولة بوليسية ) لم يفعل هذا الشخص ذلك بالرغم مما سيتعرض له ولن ينال منى الا شكرا بل ربما يتعرض لاذى شديد بمعنى الكلمة



الشعب السوري من (وجهة نظري) من اقرب الشعوب الى المصريين ولكن بإختلاف قليل هو اكثر حلاوة فى اللسان واقل اندفاعا ناحية الغرباء

بإختلاف اللكنة لن تحس بغربة فى سوريا الشوارع الى حدا ما متشابهه

مثلا العسكري هو هو بالبدلة الكاكي الى ممكن تكون مأذعرة علية وبغلبة

رأيت كونستبل سورى احسست اننى ارى كونستبل مصري بنفس كل حاجة نفس الموتوسيكل نفس الخوذة نفس البدلة والبوت والغباء

شوارع منطقة المزرعة و هي المنطقة التى اقمت بها وشارع 29 ايار خليط بين شوارع وسط البلد فى القاهره ومصر الجديدة ولكنها تعد من المناطق الراقية فى دمشق

نتحدث الان عن الفسح الغير مكلفة وبردة مش هاتحس بغربة

اذا ذهبت الى سوق الحميدية فقبلة سوق بالظبط كأنك ماشي فى العتبة اشياء مفروشة على الارض وبعض الملابس البالة وملابس بأسعار معقولة ثم واحد واقف باربع صفائح سمنة مليئة بالبسكوت السائب وبيع ياجدع ويوجد اطفال فى عمر 12 سنة بيبيعوا بعد ذلك يبدء سوق الحميديه على ايدك الشمال بس تنزل من نفق

تدخلة بالظبط كأنك ماشي فى شارع فرنسا بتاع اسكندرية بس مافيش بتوع دهب الا عدد محدود لو هو فاضي تمشية فى 10 دقايق بالخطوة السريعه زحمة يبقى 3 ساعات

فى نهايتة يوجد المسجد الاموي والذي يذكرك بساحة المسجد الحسين على اضيق قليلا يوجد بالمسجد الاموي قبر (بس مش متأكد من المعلومة انا بنقل مشاهدتى فقط) مكتوب علية رأس سيدنا يحي

بعد ذلك يوجد باحة خلفية به قبة جميلة بس اوعوا تمشوا عليها فى الصقعة لان رجلكم مش هاتستحمل المهم هي زلقة (وبصراحة اخوكم برغم ان عندي 37 سنة الى انه عندما اجد ارض زلقة وياسلام لو عليها شوية رمل اتلفت حولي وعندما اتأكد من عدم وجود احد من حولي ...... ثم زووووو) (يعني اسكيتينج)

يوجد باب تخرج منه على قبر صلاح الدين

ومن الناحية الاخرى وبعد المشى اقل من 5 دقائق يوجد مبنى يسمى بيت عظم بيت اريخي وظريفوفى اثناء ذهابك الى بيت عظم تمر على شارع يشبهه الى حد كبير خان الخليلي

وبه سوق يسمى سوق الحب (بهارات وحبوب) ومنه شارع يسمى خان النسوان ( مثل زنقة الستات فى الاسكندرية) لبيع الملابس الحريمي فقط

مش قلت ليكم مش هاتحسوا بغربة

بس بشرط تبعدوا عن السماسره والمرتزقة والمربية الذهبية لان دول بيعاملونا على اانا خليجين والبعض بيعاملنا على اننا اجانب وكانوا بيشوفوا علامة الدولار ويلكوم ويلكوم

فى وشنا والبعض

الاخر كان بيناغشنا لما يسمعنا بنتكلم علشان حابب اللهجة المصرية والبعض بيرحب بدون مقابل

ولكن لاكلام فى السياسة اوعى ثم انت مالك انت رايح تجيب تأشيرة والا تتكلم فى السياسة اتشطر هنا لو انت جدع اهو نتعذب من امن الدولة الى عارفينهم احسن من الى مانعرفهومش

ستجد صورة السيد الرئيس القائد الملهم فى كل مكان ومن الممكن ان تجد حكمة ومواعظة ايضا وكلمات مش غريبة على ودانا سمعناها بس بشكل مختلف مثل لاعزة للعرب الابسوريا إن عزت عزوا وكما قلنا ستجد صورته فى كل مكان عند الحلاق وعند الترزى وعند بتاع الفول والفلافل وصورته وهو لابس لواء وهو لابس بدلة وهو مع اسرته وهو بنضارة شمسية وهو من غير نضارة شمسية وهو فى الحمام ( طبعا انا لاانقد واتكلم فى السياسة ولكني اوصف حالة)

دي سوريا من وجهة نظري وارحب بأي تعديل او اى رأي مخالف



مطار سوريا كما قلنا سيء والحمامات الى فيه عاملة زي المراحيض وفيه الى بيشيل لك الشنط علشان يحطها فى الكاشف التليفزيوني يودعك بحرارة ( طبعا ده كان موجود فى مطار القاهره لحد سنة 2000 بس ماشفتهاش المرة دي)

[Nassarlink]

الاخ الفاضل الدكتور ابوسمره له وصف لمقابلته

قمت استأذنته لنشرها هنا

وارجو ان تعم الفائده منها

بدأ بقوله

دخلت وقفلت الباب وراى وعمنا بصلى وانا ركبى سايبه فهزيت راسى وقلتله
monsieur؟
فقاللى vous etes bien monsieur abou samra

فقلتله oui monsieur c est moi
فقاللى assiez vous
فقلت merci bien monsieur

المهم بدأ البدايه المعهوده واتحدى ان يكون حد فهمها كلها بس طبعا انا كان متنبه عليا ان البدايه التقليديه هتكون انه هيقولك انا هنا مستشار هجره عشان اعملك مقابله وبناء عليها هنقرر

اذا كنت تستحق السى اس كيو ولا لأ وده هنقرره فى اخر المقابله...طبعا انا فهمت حاجات بسيطه لانه كان سريع جدا فى الاول وقعدت اهز فى راسى وعامل فيها عبده الفاهم وى مسيو وى مسيو

داكوغ داكوغ,,وهكذا ,نبدا قلتله نبدأ

البدايه
votre passport s il vous plait
فقلتلهle voila monsieurيعنى اتفضل
فقاللى votre date du naissenceيعنى تاريخ ميلادك
فقلتله...........
فقاللى vous etes quelle nationaliteجنسيتك يعنى
فقلتلهegyptien monsieur
فقاللى vous etes ici depuis combienانت هنا من امتى
فقلتله depuis environ 2 jours monsieur
فقاللى comment etes vous venus aujourd huiيعنى جيت ازاى انهارده
فقلتلهen utilisant le taxi monsieur يعنى بالتاكسى امال يعنى هاجى بعربيه كارو
فقاللى bien bien elle vous a pluيعنى هيا عجبتك؟
بصراحه شكيت فى نفسى وقلتلهpardonيا عسل مش فاهم تقصد مين انا من البيت للجامع
فقالى abu dhabi
فقلتله الله يحظك يا شيخoui il m a plu beaucoup يعنى عجبتنى طحن يا عم الحاج
المهم بدأ بقه فى الورق وقاللى ...انت اتخرجت من مدرسه كذا ودرست فى كليه كذا جامعه كذا فقلتله oui monsieur
فقاللى parlez moi du votre educationوناس تانيه تقولvos etudes يعنى دراساتك
المهم قلتله......j ai obtinu mon diplome d etudes secondaire l anne...... et puis j ai fini mon diplome de premier cycle dans la faculite de sciences phamaceutiques en يعنى حصلت على الثانويه فى تاريخ .......وحصلت على بكالوريوس العلوم الصيدليه فى تاريخ كذا

فقاللى et apres cela وبعد كده
فقلتله .....apres cela j ai obtinu mon autorisathion de la profission du pharmacie l anne ......... et jai travaille comme pharmacien seconde dans la pharmacy du dr..... du .... a
يعنى بعد حصولى على رخصه مزاوله المهنه اشتغلت كصيدلى تانى فى صيدليه كذا فى الفتره من كذ لكذاet voila l attestationوها هى الشهاده وخد بالك تكون منظم ورقك كويس جدا وكل ما تقول كلمه تطلع المستند بتاعها لانهم بيحبو الاختام جدا(مش متعودين عليها) وبيفضلو يبصو فيها كتير وانت عمال ترزع ولا حد فاهم حاجه...اهو تكسب وقت وتقول اللى فى نفسك وطبعا هو مركز معاك وبيهزلك راسه..المهم

.....et puis j ai travaille comme phamacien pendant mon serviece mellitaire de.......a
يعنى اشتغلت كصيدلى اثناء خدمتى العسكريه واتفضل شهاده الخدمه العسكريه وكمان معاها شهاده الخبره بتاعه الصحه لان مذكور فيها كل الكلام بالتسلسل الوظيفى زى ما اخواننا الصيادله يعرفو
et puis j ai travaille comme rechercheur dans l inestitut du..... du....a

يعنى اشتغلت كباحث فى معهد .....فى الفتره من كذا لكذا واتفضل الشهاده

..j ai travaille comme pharmacien dans la memme pharmacie ... du.........يعنى اشتغلت مره تانيه فى نفس الصيدليه من كذا لكذا
.... et puis je travaille en arabie saudite comme pharmacin dans lintreprise du... jausque au present يعنى اشتغلت فى السعوديه من بعد ذلك حتى وقتنا الحاضر فى مؤسسه كذا واتفضل شهاده الخبره

[Nassarlink]

عمنا ده(راجل والله فى منتهى الذوق زى بتاع الطياره بالضبط...فاكرينه؟)راح رازعنى سؤال وقاللى..... si vous ne trouvez pas du travaille؟ يعنى ولو ملقتش شغل يا عسل

قلتله je sais bien que ma profession est L un de plus en demande au quebec يعنى انا اعرف ان مهنتى من اكثر المهن طلب فى كيبك
et j ai deja cherche sur L internet et j ai trouve pleusieurs offre d emploi وانا بحثت من قبل على الانترنت ووجدت العديد من عروض العمل وطلعتله عروض العمل وقلتله شوف يا عم الحاج regardez vous monsieur شوف يا كبو وقمت مطلعله عروض العمل وقلتله
par example j ai trouver un offre comme pharmacien et il demande une scolarite universitaire premiere cycle يعنى هما عاوزين بكالوريوس فقط وانا معايا بكالوريوس يعنى يناسبنى واقوم رازعه العرض يقعد يبص فيه واقوله il demande 1 a 2 annes d exprience et moi j ai 7 ans d expriences دول عاوزين سنه واحده خبره وانا معايا 7 سنين والبخت مايل يا كارل يا اخويا

il demande 40 heures de travaille par semaine est moi je travaille 70 hrs par semaine طالبين 40 ساعه فى الاسبوع(طيبين اوى)وانا بشتغل (او بتفحت)70 ساعه فى الاسبوع
وقلتله il demande une tres bonne connaissance en francais ,et je sais que j ai un niveau intermediaire en francais ,mais apres avoir passer Le rendez_vous,je serais plus motive et je vais completer mes etudes en francais قلتله انا عارف انهم طالبين معرفه كويسه جدا فى الفرنساوى وان مستوايا متوسط فيه ولكن بعد اجتياز المقابله ساكون اكثر دافعيه وسأكمل دراستى للفرنسيه
وقلتلهil ne demande aucune connaissance en anglais,je ai un niveau avance en anglais يعنى هما مش عاوزين اى معرفه عن الانجليزيه واخوك بقه شاطر جدا ومعاه مستوى متقدم فى الانجليزيه

وعليه وكملت بقيه الاوفرات اللى معايا....بس متوهوش منى ان السؤال الرئيسى كان هتعمل ايه لو ملقتش شغل فانا بعرفه انى بحثت عالنت ولقيت عروض عمل كتير تخص مهنتى(ودى تعطيك درجات الدافعيه)من مدفع يعنى...طخخخخخخخ...المهم دى نصيحه انك تجرجر اللى قدامك لحته انت مذاكرها كويس وشاطر فيها بس متكنش بعيد عند الموضوع اللى طلبه...نكمل
وقلتله كمانje sais que au quebec il se trouve 6 du 7 centres du rechurche d intreprise pharmaceutique present au canada وانه فى كيبك يوجد 6 من اصل 7 مراكز ابحاث لشركات دوائيه عالميه موجوده فى كندا....انشكح قوى وبرق وكانه اول مره يشوف واد حليوه
المهم دخلنا فى الجد وقلبتها عليه بقه ,وقلتله il est aussi possible que mon premier emploi soit moins qualiifie que celui que je souhaite occuper من الممكن ان اول وظيفه ليا لاتتفق او اقل من درجه من المهنه التى أأمل ان اشغلها(معلش بقه الاعداد كان عامل شغل ومسخننى بصراحه) وقلتله ou qu il ne soit pas en lien avec mes competences professionnelles. او لا تتفق مع مؤهلاتى ودوافعى المهنيه

وكملت بالقاضيهselon la situation je occuperai cet emploi le temps d entreprendre ou de poursuivre une formation يعنى على حسب الحاله ساشغل هذه الوظيفه-الورنييييييييييييش..فاكرين؟) حتى ياتى الوقت الذى اكمل او اعادل فيه تعليمى هناك
...وهو بصراحه لسه بيهز فى راسه

[Nassarlink]

لاخوه الصيادله فيه نقطه انص كده بره المقابله وجبتلها ورقه عشان انقلهالكم وهى التاش....ولاحظت انها اصبحت بتتكتب فى الابلكيشن الجديد اللى بتقدمه لكيبك ...اللى هى المهام الوظيفيه وخد بالك انه ممكن يسألك فيها
السؤال بيقول..(.quelles sont vos taches(fonctions principales؟ يعنى ماهى مهامك الوظيفيه..يعنى بتعمل ايه فى شغلك او بتزاول مهنتك ازاى؟...خد عندك يا برنس انت وهو:_

1)revoir les ordonnances pour s assurer de la dose exacte يعنى براجع الروشيتات للتأكد من ان الجرعه مظبوطه(عشان الناس الضريبه)مساء الفل

2)remplir les ordonnances,calculer,mesurer,et melanger des quantites de medicaments et mettre la quantite prescrite dans de contenants appropries يعنى نملئ الوصفات ونحسب ونقيس ونخلط الكميات الموصوفه من الادويه فى اوعيه مناسبه

3)dispenser les medicament prescrits aux clients ou a d autres professionnels de la sante,et les renseigner sur les indications,les contre_indications,les effets secondaire,les intractions medicamenteuses,et la posologie

يعنى يصرف الدواء للزباين(يا زباين)وكل محترفى الصحه وتعليمهم او اخبارهم عن ..الاستخدامات,محاذير الاستعمال,الاثار الجانبيه,التداخلات الدوائيه,واحتمال تسببها فى الوفاه

4)tenir un rsgistre des medicaments et des subistance toxiques dispenser aux clients تعطى نسخه من الادويه والمواد السامه المصروقه وتسجل عليها للزباين

5)commander et conserver un stock suffisant de produits pharmaceutiques تتابع وتطلب النواقص الخاصه بك من الادويه

6)donner des consells aux clients sur le choix et la facon d utiliser les medicaments يعنى تعطى نصائح عن اختيار الدواء بواسطه الذبون وطرق استخدامه ...وهنا فيرب اوتيليزيه يستوجب سندوتش كفته...

دى المهام الوظيفيه الخاصه بالصيادله ...معلش اذا كانو واكلين الجو شويه بس انشاء الله الافاده جايه ورا للجميع وربنا يجعلها فى ميزان حسناتنا يااااااااارب..
وعلى فكره انا سبق وقلت ان الكى بورد طبعا مبتكتبش اكسونات ومعنديش برنامج للفرنساوى فسامحونا يعنى
على فكره محروس كسر الطبق

[Nassarlink]

عوده للمقابله ...

الراجل الطيب سألنى السؤال اللى كل الناس دايما بتستناه فى المقابله وهو

pourquoi choisir le quebec؟ اخترت كيبك ليه يابو سمره
وعنها وبربخ اتفتح بقه وخد عندك يا عم الحاج:_
1)generalement بصفه عامه
le quebec aqucuille en moyenne chaque annee pres de 45000 immigrants que proviennent d une different pays et que participent activement a son developement economique,social,et culturel_ يعنى كيبك يا فندم بتستقبل كل عام فى المتوسط حوالى 45000 مهاجر والذين اتوا من بلدان مختلفه ويشاركون بفاعليه فى تقدمها الثقافى والاجنماعى والاقتصادى

et moi je crois que je serrai parmi les personnes que ont le gout de quebec وبالنسبه لى فانا اعتقد باننى ساكون من الاشخاص المحظوظين بالانتماء او الالتحاق بكيبك

generalement je choisi le quebec parceque وبصفه عامه فانا اخترت كيبك للاسباب التاليه

1)le quebec est une societe moderne et pluraliste que allie (a)le development economique a l americaine et l influence de cultures europeens وكيبك هو مجتمع راقى وتعددى ويجمع بين التقدم الاقتصادى الامريكى والتأثر بالثقافه الاوروبيه
2)sa nature conviviale, cordialite,simplicite,et ouvertured esprit marquent les rapports sociaux طبيعته تتمثل فى التعايش والترابط والبساطه والانفتاح العقلى الذى يميز العلاقات الاجتماعيه
_le quebec c est une societe democratique,son system politique repose sur la liberte.l egalite et la participation de citoyens a des association et a parti politiques يعنى كيبك مجتمع ديموقراطى ونظامه السياسى يقوم علىالحريه والمساواه واشتراك المواطنين جميعا فى المنظمات والاحزاب السياسيه
_les valeurs fondamentales et les lois de la societe quebecoise assurent a chaque personne le droit de choisir librement son style de vie.ses valeurs,ses opinions,et sa religion يعنى العادات والتقاليد الاساسيه والقوانين بتاعه المجتمع الكيبكى بتضمن لكل شخص الحق فى اختيار وبحريه نمط حياته وعاداته وافكاره وديانته(وهنا نقطه الحجاب اللى ذكرتها قبل كده)
_choisir le quebec pour moi,cest done accepter de respecter ces valeurs fondamentales pour joindre le 7 millionset demi quebecois,que travaillent a patir l avenir واختيار كيبك بالنسبه لى يحتم على احترام قيم المجتمع الكيبى حتى التحق بال7 مليون ونصف كيبكى والذين يعملون على بناء المستقبل


2)personnellement يعنى بصفه شخصيه
1)quebec est un potentiel extra ordinaire en term de qualite de vie كيبك مجتمع فوق العاده فيما يخص جوده الحياه

2)les couts pour se loger,se nourir,se vetir et se deplacer sont abordable يعنى تكاليف السكن والمأكل والملبس والمواصلات فى متناول الجميع
3)j aime vivre en parlent francais dans un systeme social en amerique de nord وانا احب ان اعيش متحدثا الفرنسيه(حته نفاق عشان تنجبر ياكبو انت وهو)فى نظام فرانكوفونى فى امريكا الشماليه يعنى من الاخر عاوز كيبك(هيا يا هيا يا منيش متجوز)
وبالنسبه للاخوه الصيادله ممكن يضيفو حته ان كيبك فيها 7 من اصل 8 مراكز ابحاث لشركات دواء عالميه موجوده فى كندا

...حبيبى البرنس علاء فارما فيما يخص اللى سألتنى عليه هكتبه عالعام بس بكره لانى والله العظيم فصلت...ربنا ينفعنا بما تعلمنا ..والله اسأل ان يبارك لنا جميعا فيما رزقنا من صحه وان ينعم علينا جميعا بنعمه
التوفيق والسداد وان يشفى مرضانا وكل مرضى المسلمين والمسيحين ..ولنا عوده

استودعكم الله

[Nassarlink]

وقفنا عند او خلصنا سؤال بيقول ..لو ملقتش شغل فى كيبك هتعمل ايه.

قوم اييييييييه عمك الحاج قام قايللى طب pourquoi voulez vous quitter votre pays ؟ يعنى عاوز تسيب بلدك ليه يا عسل....هنا الشغل بقه واحد يقوله يا عم دى عالم وسخه(اقولك لا عييييييب)واحد يقوله يا عم دول مجوعيننا(برضه عيييييييب)...اسكت ده مفيش حريه وفيه اضطهاد وفساد(اوعى النفسك)...اوعى باى حال من الاحوال انك تغلط فى بلدك او حتى فى اى شخص خليك جنتلمان لانهم ما بيحبوش الغلط بيحبوك تكون جدع... وجنتلمان...هيطلع ذبون من الزباين المتابعه يقول طب نجاوب نقول ايه فى دى يابوسمره...اقولك هتقول ايه

هتقول comme savez vous monsieur L homme par nature aime le changement et cherche toujours le meilleur هتقوله زى منتا عارف سيادتك ان الانسان بطبعه بيحب التغيير وبيبحث دائما عن الافضل...et moi je cherche une nouvelle vie pour moi et ma famille وانا ابحث عن حياه جديده لى ولاسرتى

وهتقول كمانen fait L egypte est un pays en development avec economie faible وفى الحقيقه ومخبيش عليك يا خويا انت مش غريب مصر بلد ناميه واقتصادها ضعيف وهتقول بقه...يالله قووووووووول

_ .....autant quebec le system educatif et le system de la sante n ont pas assez de service يعنى بعكس كيبك كما تعلم سيدى فالخدمات الصحيه والتعليميه غير كافيه اما فى كيبك......ودى هقولهالكم بالتفصيل فيما بعد هنتكلم عن الصحه والتعليم والخدمات العديده اللى بتقدمها كيبك بعد ما اخلص المقابله
_en egypte il ya la pollution et le pruit et pour moi j adore la verdure et la nature وفى مصر انت عارف الضجيج والهيصه والزمبليطه والتلوث وانا عن نفسى راجل مزاجنجى وبحب الخضره(الشجر يعنى) مش الجرجير والكرات والفجل والحاجات التانيه
السؤال التالت بقه طب ليه عاوز تروح كيبك يا عم ابو سمره؟وده اجابته انشاء الله لما ارجع البيت مخبيش عليكم ...اصلى لاطش شبكه لاسلكى من واد بنجالى فاتح سايبر جنبى..واخاف يفصلها قبل ما ابعت الرد
ده اصل ده ميعاده
الى الملتق يا جدعان
ومنه لله اللى كسر الأولله

[Nassarlink]

الراجل بقه راح رازعنى سؤال وقاللى....ou avez_ vous appris le francais monsieur abou samra؟ يعنى اتعلمت الفرنساوى فين يا كبو....طبعا ده سؤال تقليدى وانا كنت متوقعه بدرجه كبيره ومظبط مع المعده انها

تشرحهولى كويس وربنا يكرمها مقصرتش..فقلتله la premiere fois pour moi d apprendre le francais c etait pendant mes etudes secondaire يعنى اول مره فى حياتى ادرس الفرنساوى كانت اثناء دراستى

الثانويه...et depuis cet temps j adore le francais ومنذ ذلك الوقت وانا اعشق الفرنسيه(حته نفاق عالسريع... معلش يا جدعان كيبك تستاهل)....regardez monsieur mon attestation secondaire شاهد يا

سيدى شهادتى الثانويه(عشان كنت جايب فى الفرنساوى درجه كويسه ودى بفكر بها الاخ هيرفى لانى اثرتها له قبل كده)فشافها وقاللى tres bien كويس أوى وكملتله apres cela j ai continue mes etudes de la laungue francaise a celf mansoura



وبعد ذلك لكملت دراسه اللغه فى مركز ثقافى المنصوره(centre d etude de la laungue francaise)يعنى مركز تعلم اللغه الفرنسيه فى المنصوره(اسمه كده)...jausque au niveau 1 حتى المستوى الاول et puis j ai accompagne un livre et quelques casettes et cds pour continuer l etude de francais pendant mon sejour en arabie saudite le livre il s appelle assimil


وبعد ذلك اصطحبت معي كتاب بعض الاشرطه والسى ديهات لاستكمال دراسه اللغه اثناء اقامتى فى السعوديه بطريقه تسمى الاسيميل (وعلى فكره بعض الناس بتعتبرها اى كلام بس انا عن نفسى الطريقه دى

فرقت معايا كتير جدا)... وخد بالك من الحته النقح اللى جايه عشان تحسسه انك عملت مجهود جباروبرضه تنفعك فى الدافعيه...et comme savez vous monsieur en arabie saudite il y a de rarete des centres d apprendre de la laungue francaise et aussi je nai pas assez de temps pour etudier وكما تعلم يا عم الحاج فانه يوجد ندره فى مراكز تعلم اللغه الفرنسيه فى السعوديه.....et pour cette cause j ai fais des grand efforts tout seul pour pour amelieurer mon niveau launguistique

ولهذا السبب فقد بذلت مجهودات جباره لتحسين مستواي اللغوى بمفردى(حته تمام صح؟)قعد يهز فراسه وكان مبسوط وفاهمنى وقمت قايل en regardant les canales francophonie comme tv5 ,france 24,le monde,l arte مشاهدا القنوات الفرنسيه مثل تى فى 5 وفرنسا 24 والارت يعنى الفن والعالم(اغلب القنوات دى طبعا عاوزه اوروبى عشان تتثقف )...المهم الراجل حسيت انه اتكيف فقلت اسأله بقه..croyez_vous monsieur que je parle bien le francais؟ تعتقد يا سيدى اننى اتحدث جيدا الفرنسيه؟فهز راسه ورفع حواجبه وقاللى pas bien monsieur abou samra مش كويس يا ابو سمره...فقتله الله يخربيتك دنتا قاعد تشتغلنى من ساعتها بقه...ربنا يهدك زى ما هديت السلم...المهم طلع فعلا بيشتغلنى وقاللىpas bien mais excellent.....felicitation monsieur abou samra vous etes accepte مش كويس دنتا ممتاز تهانيا مسيو ابو سمره لقد قبلت...وقلت فعقل بالى انت بتشتغلنى ياد ولا ايه ادى اللى ناقص حتى الخواجات طب وربنا لواقفلك على باب السفاره ومنتا مروح انهارده وقلتله بقى الجمله اللى انا قلتها قبل كده تانى لانى حاسس انه مكنش مركز فيها اول مره وهى انى كمان بعد اجتبياز المقابله هكون اكثر دافعيه وساستكمل دراستى اللغويه لتحسين مستوايا وكده..فقاللى ئ bonne chance وشاورلى وشاورتله

قشطه يا كبو ..وقاللى قشطتين يا برنس


فاصل وبعده نواصل

دمتم فى رعايه الله وحفظه

[Nassarlink]

خدو الحته دى عالسريع بس ادعولى بالذات اخواننا اللى فى السعوديه...كنت عامل حسابى عليها ومسألنيش فيها


ممكن يسألك ويقولكpourqoui voulez_vous quitter L arabie saudite؟ ليه عاوز تسيب السعوديه؟ اااااااه هنا الكلام بقه...شوف هتقول ايه

1)je suis un homme par nature aime la verdure mais larabie saudite comme savez vous est un desert يعنى انا راجل بطبعى بحب الخضرا(تانى هاكد على ان الخضره هنا مش الفجل والكرات والكرنب) لكن السعوديه زى ما سيادتك عارف صحرا(كل حاجه قوله زى ما سيادتك عارف..حاول تديله وضعه وتحسسه انه فاهم)

2)je n ai pas la liberte de navigation comme mon kufil prend mon pasport directement apres entree l arabie saudite يعنى ليس لدي حريه التنقل او الحركه حيث ان الللى ما يتسمى(انت بس قوله كده وهو هيفهم)الكفيل بياخد بسبورى مباشره بعد دخولى السعوديه
3)j adore le placement mais en saudite je n ai pas la liberte de placement يعنى انا بعشق الاستثمار بينما فى السعوديه ليس لدى حريه فى الاستثمار

4)il y a aussi de rarete de moyens de divertissement qui je l aime beucoup يوجد ندره فى وسائل الترفيه والتى احبها كثيرا

5)le climat et les valeurs sont tres different qui celui de L egypte يعنى الطقس(المناخ) والعادات مختلف تماما عن تلك التى فى مصر(حلوه تلك التى دى )

اى خدمه يا كبوهات يالله كله يركز ويشبرأله شويه شاى ويفخدله شويه عشان هنكمل بعدين....هييييييييييييييييييييه فسحه ومعليناش واجب هييه ماعليناش واجب هييه...

[Nassarlink]

بعد ما انتهيت من مقابلتى خلونا نبدأ شويه بمعلومات بسيطه ومختصره عن كندا نفسها...لانها مش فى اهميه معلوماتك عن كيبك

ولو عاوز تزود انت حر..نبدأ

Le Canada est le deuxième plus grand pays dans l'espace monde après la Russie تعتبر كندا ثانى اكبر دول العالم مساحه بعد روسيا

LA population environ 33 millions de personnes ويبلغ عدد سكانها حوالى 33 مليون نسمه

Les langues officielles sont l'anglais, parlé par 60% et le français parlé Par 24% اللغات الرسميه هى الانجليزيه ويتحدثها 60% والانجليزيه ويتحدثها حوالى 24%


(Les grandes villes sont(Toronto, Montréal _ Ottawa _Vancouver, Calgary المدن الكبرى بها ترونتو ,مونتريال(موريال),اوتاوا(العاصمه الفيدراليه),فانكوفر.كالجارى



_(Le troisième producteur mondial de gaz( Produits energetiques منتجات الطاقه وتعتبر تالت اكبر منتج للغاز على مستوى العالم
-Bois_cereales الاخشاب والحبوب
_
Produit Onze mondial du pétrole المنتجه الاحدى عشر للبترول عالميا



(dans la production d'électricité (10 العاشر ه عالميا فى انتاج الكهرباء
Au troisième rang mondial dans la production de l'aluminium الثالث عالميا فى انتاج الالومنيوم
Deuxième au monde dans la production d'uranium الثانى عالميا فى انتاج اليورانيوم

فاصل ونكمل Les principales eressources sont المصادر الرئيسيه بها هى 10ieme )la production de charbon) العاشر ه فى انتاج الفحم

[Nassarlink]

Les institutions du Canada مؤسسات كندا

_Constitution الدستور
Loi constitutionnel de 1867 de 1982 القانون الدستورى لسنه 1867 وسنه 1982L

_Le chef de l'Etat رئيس الولايه

Queen Elizabeth 2 الملكه اليزابيث التانيه

reine du canada representee par un gouverneur general(Mme MICHAELLE JEAN depuis septembre 2005 الملكه اليزابث التانيه هى رئيسه الولايه ويمثلها الحاكم العام السيده ميشيل جان منذ سبتمبر 2005
premier ministre:_m.stephen harper(chef de parti conservateur depui fevrier 2006) رئيس الوزراء السيد ستيفن هاربر رئيس الحزب المحافظ منذ فبراير 2006
senat:secompose de 105 members elus par le premier ministre مجلس الشيوخ ويتكون من 105 عضو انتخبو بواسطه رئيس الوزراء

Parti politiques:il y a 4 celebre parti politique:_ الاحزاب السياسيه:_يوجد اربعه احزاب سياسيه
parti liberal du canada الحزب الليبرالى الكندى
parti conservateur حزب المحافظين
Bloc de quebec كتله كيبك
nouveau parti democratique الحزب الديموقراطى الجديد
provinces:_le canada est un etat federal que comprend dix provinces et trois territoires كندا هى دوله اتحاديه تتكون من 3 ولايات و10 اقاليم

فاصل ونعود يا رجاله ويا ستات

[Nassarlink]

L'histoire du Canada تاريخ كندا



1867 L act de amerique du nord britanique cree la federation canadienne فى عام 1867اتفاقيه امريكا الشماليه_بريطانيا والتى بموجبها تاسست الفيدراليه الكنديه(الاتحاد الكندى)


juin 23 1990 echec la ratification de l accord du lac meech فى 23 يونيو 1990 فشل التصديق على اتفاقيه(لاك ميش)او بحيره ميش
octobre 26_ 1992 victoire du non au refrendum pan canadien فى 26 اكتوبر عام 1992 فوز استفتاء العموميه الكنديه بعدم الانفصال
oct 30 1995 courte victoire du (non)(50,6) au deuxieme referendum quibecois sur la souverainete فى 30 اكتوبر 1995 الفوز فى الاستفتاء الثانى والذى يطالب بعدم انفصلال كيبك عن كندا بنسبه( 50,6)

فاصل ونكمل
دمتم فى رعايه الله وحفظه 1534 jacque cartier prend possesion du canada جاك كارتيه احتل كندا 1931 le canada aquiert son autonomie فى عام 1931 حصلت كندا على استقلالها 1982 la reine proclame la loi constitutionelle qui met fin a la jurdiction legislative britannique فى 1982 اعلنت الملكه التشريع الدستورى التابع للقضاء التشريعى البريطانى

[adel]

استاذنا وحبيب الملاين MR. Nassar

اتقدم نيابة عن موقع وجهة نظر بالشكر والتقدير والعرفان لمجهودكم واصراركم على نفع ومساعدة الاخرين.

[raef74]

thank you soooooo much for this information

[adwar]

انا مقابلتي يو 4/10/2010 و الفرنساوي مجنني يا تري اعمل ايه؟